النشأة والتأسيس
فن محوج فرقة مسرحية مستقلة اتاسست في أواخر ٢٠١٤ علي يد المخرج محمود عبد العزيز وقدمت عدة اعمال فنية حظيت بنجاح كبير .. وصارت فن محوج في مدة قصيرة من أكبر فرق المسرح المستقل
الهدف
ده سؤال مهم جدا
احنا عملنا مسرحيات كتير جدا نجحت نجاح كبير منها اللي كان ادب مصري زي هيبتا للكاتب محمد صادق ..تراب الماس لأحمد مراد.. يوتوبيا ل د. احمد خالد توفيق ... ومنها الادب العربي زي في قلبي انثي عبرية ل د.خولة حمدي .. ومنها ادب عالمي زي الخيميائي لباولو كويلو
ثم في ٢٠٢١ اتجهنا لتحويل افلام ديزني الي عروض مسرحية .. وده حصل في شركة المرعبين المحدودة.. ليون كينج سيمبا .. توي ستوري ... ربونزل ... أميرات ديزني ..علاء الدين .. فروزن وده خلانا نبني قاعدة جماهيرية متنوعة وكبيرة وجه من جودة العروض واستقرارها
احنا حققنا اي لحد دلوقتي ؟
اي اللي عايزين نوصله
( ممكن نكون شايفين انننا لسه محققناش حاجة واننا لسه في بداية الطريق ... الهدف نوصل علي ٢٠٣٠ ل ٥٠٠٠ ليلة عرض واننا نوصل لبره مصر ونقدر نخلي ناس اكتر تحضر مسرح
كمان عندنا خطط وهي اننا نوصل لكل مدرسة ونادي وكل تجمع للاطفال وندربهم علي التمثيل واكتشف المواهب في سن مبكر لان دا المجال الوحيد اللي بيتم التدريب فقط للكبار رغم وجود اطفال اصحاب مواهب كبيرة بنشوفهم في مسلسلات وافلام وفي كتير غيرهم مش عارفين الطريق من فين ودا هيكون دورنا في تدريب تنمية المواهب للاطفال.
كان عندنا هدف اننا نخلق مسرح قريب من الجمهور ... ونرجع تاني لفكرة ان الناس ترجع تحضر مسرح ..